dô sprach der marcgrâve: ‚ich hân iu selten iht verseit.‘
Etzel der rîche vlêgen ouch began: 2089
dô buten si sich beidiu ze vüeßen vür den man.
den guoten marcgrâven unmuotes man dô sach:
der vil getriuwe recke harte jæmerlîchen sprach:
‚Ouwê mich Gotes armen, daß ich ditz gelebet hân. 2090
aller mîner êren der muoß ich abe stân,
triuwen unde zühte, die Got an mir gebôt.
ouwê, Got von himele, daß michs niht wendet der tôt!
‚Swelheß ich nu lâße und daß ander begân, 2091