niht wesser, daß eß tæte   daß Siglinde kint.

man zêch es Gêrnôten:   wol ervant er eß sint.

Die slege Liudgêres   die wâren alsô starc, 209

daß Sîvride under satele   strûhte daß marc;

doch sich daß ros erholte:   der küene Sîvrit

der gewan in dem sturme   einen vreislîchen sit.

Des half im Hagene   und ouch Gêrnôt, A.210

Dancwart und Volkêr:   des lac ir vil dâ tôt.

Sindolt und Hûnolt   und Ortwîn der degen

die kunden in dem strîte   zem tôde manegen nider legen.