si tâten in dem sturme   diu vil hêrlîchen werch.

Daß edel ingesinde   was nu komen in. 2148

Volkêr und Hagene   die sprungen balde hin.

sine gâben vride niemen   wan dem einen man.

von ir beider hende   daß bluot durch helme nider ran.

Wie rehte gremlîche   vil swerte drinne erklanc! 2149

vil der schiltspange   ûß von slegen spranc:

des reis ir schiltsteine   nider in daß bluot:

si vâhten alsô grimme,   daß manß nimmer mê getuot.

Der vogt von Bechelâren   gie wider unde dan, 2150