Der vogt der Amelunge hieß eß ervarn baß. 2184
vil harte senelîche er in ein venster saß:
dô bat er Hilprande zuo den gesten gân,
daß er an in ervüere, waß dâ wære getân.
Der sturmküene recke, meister Hilprant, 2185
weder schilt noch wâfen truoger an der hant:
er wolde in sînen zühten zuo den gesten gân;
von sîner swester kinde wart im ein strâfen getân.
Dô sprach der grimme Wolfhart: ‚welt ir dar blôßer gân, 2186
sô mag eß ân ein schelten nimmer wol gestân: