‚Gebt uns Rüedegêren sô tôten ûß dem sal, 2199
an dem gar mit jâmer lît unser vreuden val,
und lât uns an im dienen, daß er ie hât getan
an uns vil grôßer triuwe und an manegem vremden man.
‚Wir sîn ouch ellende als Rüedegêr der degen. 2200
wes lâßet ir uns bîten? lât in uns after wegen
tragen, daß wir nâch tôde lônen noch dem man;
wir hetenß vil billîche bî sînem lebene getân.‘
Dô sprach der künic Gunther: ‚nie dienest wart sô guot, 2201
sô den ein vriunt vriunde nâch dem tôde tuot.