Dô wesse wol hêr Dieterîch, daß der küene man 2286
vil grimmes muotes wære: schirmen im began
der hêrre von Berne vor angestlîchen slegen.
vil wol erkander Hagenen: er was ein ûßerwelter degen.
Ouch vorht er Balmunge, ein wâfen starc genuoc. 2287
under wîlen Dietrîch mit listen wider sluoc,
unz daß er Hagenen mit strîte doch betwanc.
er sluog im eine wunden, diu was tief unde lanc.
Do gedâht der hêrre Dieterîch: ‚du bist in nôt erwigen; 2288
ich hâns lützel êre, soltu nu tôt geligen.