Nu gie diu minneclîche, alsô der morgen rôt 280
tuot ûß trüeben wolken. dô schiet von maneger nôt,
der si da truoc in herzen und lange hete getân.
er sach die minneclîchen nu vil hêrlîchen stân.
Jâ lûhte ir von ir wæte vil manec edel stein: 281
ir rôsenrôtiu varwe vil minneclîchen schein.
ob ieman wünschen solde, der kunde niht gejehen,
daß er ze dirre werlde hete iht schœners gesehen.
Sam der liehte mâne vor den sternen stât, 282
des schîn sô lûterlîche ab den wolken gât,