hin zuo Prünhilde, swie eß mir ergê.
ich wil umbe ir minne wâgen den lîp:
den wil ich verliesen, sine werde mîn wîp.‘
‚Daß wil ich widerrâten,‘ sprach dô Sîvrit. A.329
‚jâ hât diu küneginne sô vreislîchen sit,
swer ir minne wirbet, daß eß im hôhe stât.
des muget ir der reise haben wærlîchen rât.‘
Dô sprach der künic Gunther: ‚nie geborn wart ein wîp C.
sô stark und ouch sô küene, ine wolde wol ir lîp
in strîte betwingen mit mîn selbes hant.‘