Gên den unkunden strichen si ir lîp, A.383
des ie site hêten wætlîchiu wîp.
an diu engen venster kômen si gegân,
dâ si die helde sâhen: daß was durch schouwen getân.
Ir wâren niuwan viere, die kômen in daß lant. B.
Sîvrit der küene ein ros zôch ûf den sant.
daß sâhen durch diu venster diu wætlîchen wîp:
des dûhte sich getiuret des künic Guntheres lîp.
Er habte im dâ bî zoume daß zierlîche marc, B.
guot unde schœne, michel unde starc,