‚wâfen!‘ sprach Hagene, ‚waß hât der künec ze trût!
jâ sol si in der helle sîn des übelen tiuvels brût.‘
An ir vil wîße arme si die ermel want, 427
si begunde vaßßen den schilt an der hant,
den gêr si hôhe zucte: dô gie eß an den strît.
die ellenden geste vorhten Prünhilde nît.
Unde wære im Sîvrit niht dâ ze helfe komen, 428
sô hete si Gunther sînen lîp benomen.
er gie dar tougenlîche und ruort im sîne hant.
Gunther sîne liste harte sorclîch ervant.