wie rehte gremlîchen er dô an Sîvriden lief!
Wie er getorste wecken sô manegen küenen man? A.459
dô wurden slege swinde von sîner hant getân.
dô begunde im schirmen der hêrlîche gast;
doch schuof der portenære, daß sîn gespenge zebrast
Von einer îsenstangen: des gie dem helde nôt. A.460
ein teil begunde vürhten der helt den grimmen tôt,
dô der portenære sô krefteclîchen sluoc.
dar umbe was im wæge sîn hêrre Sîvrit genuoc.
Si striten alsô sêre, daß al diu burc erschal: A.461