dô lief er harte swinde, dâ er Sîvriden vant.
Siben knöphe swære hiengen vor dar an, A.464
dâ mit er umb die hende den schilt dem küenen man
sluoc sô bitterlîchen, daß im des vil zebrast.
des lîbes kom in sorge dô der wætlîche gast.
Den scherm er von der hende gar zebrochen swanc: A.465
dô stieß er in die scheide ein wâfen, daß was lanc.
sînen kamerære wold er niht slahen tôt:
er schônde sîner liute, als im tugent daß gebôt.
Mit starken sînen handen lief er Albrîchen an A.466