‚Nu bitet Sîvriden vüern die botschaft: 498
der kan si wol gewerben mit ellenhafter kraft.
verseit er iu die reise, ir sult mit guoten siten
durch iuwer swester liebe der verte in vriuntlîchen biten.‘
Er sande nâch dem recken: der kom, dô man in vant. 499
er sprach: ‚sît wir nâhen heim in mîniu lant,
sô solde ich boten senden der lieben swester mîn
und ouch mîner muoter, daß wir nâhen an den Rîn.
‚Des ger ich an iu, Sîvrit, daß ir die reise tuot, B.
daß ich eß immer diene,‘ sprach der degen guot.