und ander mîne mâge die sol man wißßen lân,
ich wil mit Prünhilde grôße hôhgezîte hân.
‚Und saget mîner swester, sô si habe vernomen, 505
daß ich mit mînen gesten sî ze lande komen,
daß si wol enphâhe die triutinne mîn:
daß wil ich immer diende umbe Kriemhilde sîn.‘
Sîvrit der hêrre balde urloup nam 506
vrouwen Prünhilde, als im daß wol gezam,
und zallem ir gesinde: dô reit er an den Rîn.
eß enkunde in dirre werlde ein bote beßßer niht gesîn.