Dô sprach der junge Gîselher: ‚dâ sult ir zuo ir gân; 512
dâ habet ir mîner swester liebe an getân.
si treit michel sorge umbe den bruoder mîn:
diu meit sihet iuch gerne: des wil ich iuwer bürge sîn.‘
Dô sprach der hêrre Sîvrit: ‚swâ ich ir dienen kan, 513
daß sol willeclîchen mit triuwen sîn getân.
wer seit nu den vrouwen, daß ich wil dar gân?‘
des wart dô bote Gîselher, der vil wætlîche man.
Gîselher der junge zuo sîner muoter sprach 514
und ouch zuo sîner swester, dâ er si beide sach: