Im rieten sîne mâge und ander sîne man, 49
sît er ûf stæte minne tragen wolde wân,
daß er dan eine wurbe, diu im möhte zemen.
Dô sprach der edel Sîvrit: ‚sô wil ich Kriemhilden nemen,
‚Die edeln juncvrouwen von Burgunden lant, A.50
durch ir vil grôßen schœne; daß ist mir wol bekant,
nie keiser wart sô rîche, der wolde haben wîp,
im zæme wol ze minne der rîchen küneginne lîp.‘
Disiu selben mære gehôrte Sigmunt. 51
eß reiten sîne liute: dâ von wart im kunt