daß ir schœnen varwe ze rehte wol gezam.
er wære in swachem muote, der ir deheiner wære gram.
Von zobel und von harme vil kleider man dâ vant. 534
dâ wart vil wol gezieret manec arm unde hant
mit pougen ob den sîden, die si solden tragen.
iu enkunde ditze vlîßen ze ende niemen gesagen.
Vil manegen gürtel spæhe, rîch unde lanc, 535
über liehtiu kleider manec hant dô swanc
ûf edel röcke ferrans von phelle ûß Arabîn,
daß si in al der werlde niht beßßer kunden gesîn.