sô hâstu mînen willen mit grôßen triuwen getân.‘
Dô sprach diu maget edele: ‚lieber bruoder mîn, 567
irn sult mich niht vlêgen: jâ wil ich immer sîn,
swie ir mir gebietet: daß sol sîn getân.
ich wil in loben gerne, den ir mir, hêrre, gebt ze man.‘
Von liebe und ouch von vreuden wart Sîvrides varwe rôt. 568
ze dienste sich der recke vroun Kriemhilde bôt.
man hieß si zuo ein ander an dem ringe stân:
man vrâgt si, ob si wolde den vil wætlîchen man.
In meitlîchen zühten si schamte sich ein teil; 569