irn saget mir, wâ von Kriemhilt wine Sîvrides sî.‘
Dô sprach der künic Gunther: ‚ich tuonß iu wol bekant. A.577
er hât als ich wol bürge unde wîtiu lant.
daß wißßet sicherlîchen, er ist ein künic rîch:
des gan ich im ze minnen die schœnen magt lobelîch.‘
Swaß ir der künic seite, doch hete si trüeben muot. A.578
dô gâhte von den tischen manec rîter guot:
ir buhurt wart sô herte, daß al diu burc erdôß.
den wirt bî sînen gesten harte sêre verdrôß.
Er dâhte: ‚ich læge sanfter der schœnen vrouwen bî.‘ A.579