daß vorhte si verliesen von Guntheres man.
diu edel küneginne vil sêre weinen began.
Sîvrit der hêrre gie, dâ er si sach; A.62
wider sîne muoter er güetlîchen sprach:
‚vrouwe, ir sult niht weinen durch den willen mîn:
jâ wil ich âne sorge vor allen wîganden sîn.
‚Nu helfet mir der reise in Burgunden lant, A.63
daß ich und mîne recken haben sölch gewant,
daß also stolze degene mit êren mügen tragen.
des wil ich iu genâde mit triuwen wærlîchen sagen.‘