Âventiure
wie Sîvrit ze lande mit sînem wîbe kom.
Dô die geste wâren alle dan gevarn, A.637
dô sprach zuo sîm gesinde Sigmundes barn:
‚wir suln ouch uns bereiten heim in unser lant.‘
liep was eß sînem wîbe, dô eß diu mære rehte ervant.
Si sprach zuozir manne: ‚wenne sul wir varn? B.
daß ich sô harte gâhe, daß heiße ich wol bewarn:
mir suln ê mîne bruoder teilen mit diu lant.‘
leit was eß Sîvride, dô erß an Kriemhilt ervant.