Ist iemen baß enphangen, dêst mir unbekant, A.652
danne die helde in Sigmundes lant.
Siglint diu schœne Kriemhilde gegen reit
mit maneger schœnen vrouwen unde rîtern gemeit
In einer tageweide, dâ man die geste sach. A.653
die kunden und die vremden liten ungemach,
unze si kômen zeiner bürge wît,
diu was geheißen Santen, dâ si krône truogen sît.
Mit lachendem munde Siglint und Sigmunt A.654
kusten Kriemhilde durch liebe manege stunt