der künic mit geleite bat die boten wol bewarn.
Inre tagen zwelven si kômen in daß lant, 682
ze Niblunges bürge: dar wâren si gesant.
ze Norweg in der marke vunden si den degen.
ros und liute wâren müede von den langen wegen.
Sîvride und Kriemhilde wart beiden dô geseit, 683
daß rîter komen wæren, die trüegen solhiu kleit,
sam man zen Burgunden dâ der site phlac.
si spranc von eime bette dâ si ruowende lac.
Dô bat si zeime venster eine maget gân. 684