er wolde harte gerne bî ir hôhgezîte sîn.
Sîvrit und Kriemhilt, sô wir hœren sagen, 707
sô vil den boten gâben, daß eß niht mohten tragen
ir mœre heim ze lande: er was ein rîcher man.
ir starken soumære treip man vrœlîchen dan.
Ir volk kleidete Sîvrit und ouch Sigemunt. 708
Eckewart der grâve der hieß an der stunt
vrouwen kleider suochen, diu besten, die man vant
oder inder kunde erwerben über Sîvrides lant.
Die setel zuo den schilden bereiten man began. 709