ir vil grôßer milte wart dâ danken getân.
‚Er mac,‘ sprach dô Hagene, ‚von im sanfte geben: 717
ern kundeß niht verswenden, sold er immer leben.
hort der Niblunge besloßßen hât sîn hant;
hei, sold er immer komen in Burgunden lant!‘
Alleß daß gedigene vreute sich dar zuo, 718
daß si komen solden. spâte unde vruo
wâren vil unmüeßec der drîer künege man.
manec hêr gesidele man dô rihten began.
Hûnolt der küene und Sindolt der degen A.719