dâ die schenken solden zuo den tischen gân:
dâ wart vil voller dienest mit grôßem vlîße getân.
Sô man ze hôhgezîten lange hât gephlegen, 748
vrouwen unde meide hieß man schône legen.
swannen si dar kômen, der wirt in willen truoc;
in güetlîchen êren man gap in allen genuoc.
Dô diu naht het ende und der tac erschein, 749
ûß den soumschrînen manec edel stein
erlûhte in guoter wæte, die ruorte vrouwen hant.
dô wart ervür gesuochet manec hêrlîch gewant.