wone deheiner dienste. erst tiurer, danne sî
Gunther mîn bruoder, der vil edel man.
du solt mich des erlâßen, daß ich von dir vernomen hân.
‚Und nimt mich immer wunder, sît er dîn eigen ist 768
und du über uns beidiu sô gewaltec bist,
daß er dir sô lange den zins verseßßen hât.
dîner übermüete solde ich von rehte haben rât.‘
‚Du ziuhest dich ze hôhe,‘ sprach dô des küneges wîp. 769
‚nu wil ich sehen gerne, ob man dînen lîp
habe ze solhen êren, sô man den mînen tuot.‘