ich wil wesen tiuwerer, danne ieman habe bekant
deheine küneginne, diu krôn her ie getruoc.‘
dô huop sich undern vrouwen grôßes nîdes genuoc.
Dô sprach aber Prünhilt: ‚wiltu niht eigen sîn, 773
sô muostu dich scheiden mit den vrouwen dîn
von mînem ingesinde, dâ wir ze münster gân.‘
des antwurte Kriemhilt: ‚triuwen, daß sol sîn getân.‘
‚Nu kleidet iuch, mîn meide,‘ sprach Sîvrides wîp. 774
‚eß muoß âne schande belîben hie mîn lîp.
ir sult daß lâßen schouwen, habt ir iht rîche wât.