Âventiure
wie Sîvrit erslagen wart.
Gunther und Hagene die recken vil balt VIII.859
lobeten mit untriuwen ein pirsen in den walt.
mit ir scharphen gêren si wolden jagen swîn,
beren unde wisende: waß kunde küeners gesîn?
Dâ mite reit ouch Sîvrit in êrlîchem site. A.860
maneger hande spîse die vuorte man in mite.
zuo eime kalten brunnen verlôs er sît den lîp.
daß hete gerâten Prünhilt, künic Guntheres wîp.
Dô gie der degen küene, da er Kriemhilde vant. A.861