geloubt an rehten triuwen, daß ir iuch selben habt erslagen.‘
Die bluomen allenthalben von bluote wâren naß. 939
dô ranger mit dem tôde, unlange tet er daß,
wan des tôdes wâfen ie ze sêre sneit.
dô mohte reden niht mêre der recke küene unde gemeit.
Dô die hêrren sâhen, daß der helt was tôt, 940
si leiten in ûf einen schilt, der was von golde rôt,
und wurden des ze râte, wie daß solde ergân,
daß man eß verhæle, daß eß Hagne hete getân.
Dô sprâchen ir genuoge: ‚uns ist übel geschehen. 941