Er sach in bluotes rôten, sîn wât was elliu naß. 947
daß eß sîn hêrre wære, niht enwesser daß.
hin ze der kemenâten daß lieht er truoc enhant,
bî dem vil leide mære vrouwe Kriemhilt ervant.
Dô si mit ir vrouwen ze kirche wolde gân, 948
dô sprach der kamerære: ‚vrouwe, ir sult stille stân:
eß lît vor dem gademe ein rîter tôt erslagen.‘
‚Ouwê,‘ sprach vrou Kriemhilt, ‚waß wiltu solher mære sagen?‘
Ê si rehte ervunde, daß eß wære ir man, A.949
an die Hagenen vrâge denken si began,