und hieß in vaste spengen mit stahel, der was guot.
dô was al den liuten harte trûrec der muot.
Diu naht was ergangen: man seite, eß wolde tagen. 980
dô hieß diu edel vrouwe zuo dem münster tragen
den vil edelen tôten, ir vil lieben man.
swaß er dâ vriunde hête, die sach man weinende gân.
Dô si in zem münster brâhten, wie vil dâ glocken klanc! A.981
man hôrte allenthalben maneges phaphen sanc.
dô kom der künic Gunther dar mit sînen man
und ouch der grimme Hagene; daß wære beßßer verlân.