der sol zuo der bâre vor den liuten gân:
dâ mac man die wârheit harte schiere bî verstân.‘
Daß ist ein michel wunder: dicke eß noch geschiht, A.985
swâ man den mortmeilen bî dem tôten siht,
sô bluotent im die wunden; sam ouch dâ geschach;
dâ von man die schulde dâ ze Hagenen gesach.
Die wunden vlußßen sêre, alsam si tâten ê. A.986
die ê dâ sêre klageten, des wart nu michel mê.
dô sprach künic Gunther: ‚ich wilß iuch wißßen lân.
in sluogen schâchære: Hagene hât es niht getân.‘