In einen rîchen phelle man den tôten want. A.992
ich wæne, man dâ ieman âne weinen vant.
dô klagte herzenlîche Uote, ein edel wîp,
und al ir ingesinde Sîvrides wætlîchen lîp.
Dô man gehôrte, daß man zem münster sanc 993
und in besarket hête, dâ huop sich grôß gedranc:
durch willen sîner sêle waß man ophers truoc!
er hete bî den vînden doch guoter vriunde genuoc.
Kriemhilt diu arme zir kameræren sprach: 994
‚ir sult durch mîne liebe lîden ungemach: