wart durch sîne sêle den armen dâ gegeben.
dô was gelegen ringe sîn grôßiu schœne und ouch sîn leben.
Dô Gote wart gedienet und man vol gesanc, 1004
mit ungevüegem leide vil des volkes ranc.
man hieß in ûß dem münster zuo dem grabe tragen.
man vant dâ niht anders wan ein weinen unde klagen.
Lûte schrîende daß liut gie mit im dan: 1005
vrô enwas dô niemen weder wîp noch man.
ê man in begrüebe, man sanc unde las:
hei, waß guoter phaffen bî sîner bevilde was!