leit was eß Sigmunde, dô erß an Kriemhilde vant.
Dô sprach künic Sigemunt: ‚lât iuß nieman sagen: 1026
vor allen mînen mâgen sult ir krône tragen
vil gewalteclîchen, als ir habt ê getân:
irn sult des niht enkelten, daß wir den helt verlorn hân.
‚Und vart mit uns widere durch iuwer kindelîn; 1027
daß ensult ir niht verweiset, vrouwe, lâßen sîn,
swenn iuwer sun gewahset, der trœstet iu den muot.
die wîle sol iu dienen manec küene degen guot.‘
Si sprach: ‚mîn hêr Sigemunt, jane mag ich rîten niht. 1028