‚Ich wil den künic grüeßen.‘ dô si im des verjach, A.1053
mit sînen besten vriunden man in vor ir sach.
dô getorste Hagene vür si niht gegân:
wol weste er sîne schulde: er hete ir leide getân.
Dô si verkiesen wolde ûf Gunther den haß,A.1054
ob er si küssen solde, eß zæme im deste baß.
wær ir von sîme râte leide niht getân,
sô möhte er vrevellîche dicke sîn zuo ir gegân.
Eß enwart nie suone mit sô vil trehen mê 1055
gevüeget under vriunden. ir tet ir schade vil wê;