und daß im muose dienen alleß ditze lant.‘

dô gie der kamerære, dâ er die slüßßele vant.

Eß stuonden vor dem berge Kriemhilde man 1061

und ouch ein teil ir mâge: den schaz sie truogen dan

zuo dem sêwe an diu schiffelîn.

den vuorte man ûf ünden unz ze berge an den Rîn.

Ir muget von dem horte wunder hœren sagen: A.1062

swaß zwelf kanzwegene meist mohten tragen

in vier tagen und nahten von dem berge dan;

ouch muos ir ieslîcher des tages drîstunde gân.