des landes und der burge und maneges recken balt:
die muosen im sît dienen bêdiu durch vorhte und ouch gewalt.
Dô si den hort behielten in Guntheres lant, 1065
und sich diu küneginne des alles underwant,
kamere unde türne die wurden vol getragen;
man gehôrte nie daß wunder von guote mêre gesagen.
Unde wær sîn tûsent stunt noch alse vil gewesen, 1066
unde solde Sîvrit gesunder sîn genesen,
bî im wære Kriemhilt hemdeblôß bestân.
getriuwer wîbes künne ein helt nie mêre gewan.