Ir sumelîcher eide wâren unbehuot. 1072
dô nâmen si der witewen daß kreftige guot.
Hagene sich der slüßßele aller underwant.
daß zurnde ir bruoder Gêrnôt, dô er daß rehte bevant.
Dô sprach der hêrre Gîselher: ‚Hagene hât getân 1073
vil leides mîner swester; ich soldeß understân:
wær er niht mîn mâc, eß gienge im an den lîp.
iteniuweß weinen tete dô Sîvrides wîp.
Dô sprach der hêrre Gêrnôt: ‚ê wir immer sîn A.1074
gemüet mit dem golde, wir soldenß in den Rîn