Ê der rîche künic wider wære komen, 1077
die wîle hete Hagene den schatz vil gar genomen:
er sancte in dâ ze Lôche allen in den Rîn.
er wânde, er sold in nießen: des enkunde dô niht gesîn.
Ê daß von Troneje Hagene den schatz alsô verbarc, 1078
dô heten siß gevestent mit eiden alsô starc,
daß er verholen wære, unz ir einer möhte leben:
so enkunden sis in selben noch ander niemen gegeben.
Die vürsten kômen widere, mit in vil manec man. 1079
Kriemhilt ir schaden grôßen klagen dô began