dô sprach der marcgrâve: ‚ich tuonß iu gerne bekant.‘
Dô stuont er von dem sedele mit allen sînen man. 1131
er sprach zuo dem künege: ‚lât mich urloup hân
ze sagene solhiu mære, dar umbe ich bin gesant
von dem künic Etzele her zuo der Burgunden lant.‘
Er sprach: ‚swaß man uns mære bî iu enboten hât, 1132
diu erloube ich iu ze sagene âne vriunde rât.
ir sult si lâßen hœren mich und mîne man,
wan ich iu aller êren hie ze werbenne gan.‘
Dô sprach der bote biderbe: ‚iu enbiutet an den Rîn 1133