wart mîn lîp ie schœne, des bin ich âne getân.‘
Dô sprach diu vrouwe Uote ir lieben tohter zuo: 1186
‚swaß dîne bruoder râten, liebeß kint, daß tuo.
volge dînen vriunden: sô mac dir wol geschehen.
ich hân dich doch sô lange mit grôßem jâmer gesehen.‘
Dô bat si Got den rîchen vüegen ir den rât: 1187
ob si ze geben hête golt, silber unde wât
sam ê bî ir manne, dô er noch was gesunt,
si gelebte doch niht mêre sît sô vrœlîche stunt.
Si gedâhte in ir sinne: ‚und sol ich mînen lîp 1188