daß der sô lange dagete, daß was dem künege leit.
dô understuont eß Gêrnôt, ein rîter küene und gemeit.
Er sprach zuo Ortwîne: ‚lât iuwer zürnen stân. 119
uns hât der hêrre Sîvrit solhes niht getân.
wir mügenß noch wol scheiden mit zühten, dêst mîn rât,
und haben in ze vriunde; daß uns noch lobelîcher stât.‘
Dô sprach der starke Hagene: ‚uns mac wol wesen leit, 120
allen iuwern degenen, daß er ie gereit
durch strîten her ze Rîne. er soldeß haben lân:
im heten mîne hêrren solher leide niht getân.‘