die Rüedegêres ræte iu nimmer werdent leit,
und saget eß iuwern mageden, die ir dâ vüeren welt:
jâ kumet uns ûf der strâße vil maneger ûß erwelter helt.‘
Si heten noch gesmîde, daß man dâ vor reit 1208
bî Sîvrides zîten, daß si vil manege meit
mit êren mohte vüeren, sô si wolde dan.
hei, waß man guoter setele den schœnen vrouwen gewan!
Ob si ie getrüegen deheiniu rîchiu kleit, 1209
der wart zuo zir verte vil manegeß nu bereit,
wan in von dem künege sô vil gesaget wart;