Gotelint diu schœne die herberge lie 1245
hinder ir belîben. ûf den wegen gie
mit klingenden zoumen manec pfert wol getân.
der antphanc wart vil schœne: liep was eß Rüedegêr getân.
Die in ze beiden sîten kômen ûf den wegen, 1246
die riten lobelîche: der was vil manec degen.
si phlâgen rîterschefte: daß sach vil manec meit.
eß was den schœnen vrouwen der rîter dienest niht leit.
Dô zuo den gesten kômen die Rüedegêres man, 1247
vil der trunzûne sach man ze berge gân