Mit zühten zuo ein ander gie vil manec meit. 1255
dô wâren in die recken mit dienste vil bereit.
si sâßen nâch dem gruoße nider ûf den klê.
si gewannen maneger künde, die in vil vremde wâren ê.
Man hieß den vrouwen schenken. eß was wol mitter tac; 1256
daß edel ingesinde dâ niht lenger lac.
si riten, dâ si vunden manege hütten breit:
dâ was den edelen gesten vil michel dienest bereit.
Die naht si heten ruowe unz an den morgen vruo. 1257
die von Bechelâren bereiten sich dar zuo,