den Pœlân unde Vlâchen sach man swinde gân

ros diu vil guoten si mit kreften riten.

swaß si site hêten, der wart vil wênec vermiten.

Von dem lant ze Kiewen reit dâ manec degen 1280

und die wilden Pesnære; dâ wart vil gephlegen

mit dem bogen schießen zuo vogelen, dâ si vlugen;

die phîle si sêre mit kraft unz an die wende zugen.

Ein stat bî Tuonouwe lît in Ôsterlant, A.1281

diu ist geheißen Tulnâ: dâ wart ir bekant

vil manec site vremde, den si ê nie gesach.