die heten sich der ruowe mit arbeit bewegen,
durch daß si den gesten trôsten wol den muot.
Rüedgêr und sîne vriunde heten kurzwîle guot.
Diu hôhzît was gevallen an einen phingestac, 1305
dâ der künic Etzel bî Kriemhilde lac
in der stat ze Wiene. si wæn sô manegen man
bî ir êrsten manne nie ze dienste gewan.
Si kunte sich mit gâbe dem, der si nie gesach. 1306
vil maneger dar under zuo den gesten sprach:
‚wir wânden, daß vrou Kriemhilt guotes niht möhte hân: