hei, waß man schœner vrouwen in sîme heimuote vant.
Ze Misenburc der rîchen dâ schiften si sich an. 1317
daß waßßer wart verdecket von ros und ouch von man,
alsam eß erde wære, swaß man sîn vließen sach.
die wegemüeden vrouwen die heten semfte und ouch gemach.
Ze samne was gefloßßen manec schef vil guot, 1318
daß in niht enschadete die ünde noch diu vluot;
dar über was gespannen manec guot gezelt,
sam ob si noch hêten beide lant unde velt.
Dô kômen disiu mære ze Etzelenburc von dan, 1319